sábado, 21 de mayo de 2011

Os mellores!


Demostrado: Pasamos de todo, non pasan de todo.

“Pasamos de todo” é o mellor blog do mes de abril

Escrito por blogmaestro
20 de mayo de 2011 a las 0:00h

Como peche desta semana das Letras Galegas estamos encantados de anunciar que “Pasamos de todo“, bitácora dun pequeno grupo de reforzo de sete alumnos e alumnas de 1º de ESO do IES Cidade de Antioquía de Xinzo de Limia (Ourense), ven de converterse no mellor blog de abril.
O xurado resalta o esforzo que se fai para atender á diversidade dun xeito alternativo e motivador para o alumnado. Fálase o seu “idioma” desde o principio, incitanto ás alumas e alumnos a crear perfís ideados á maneira de “alias” con candanseu “avatar”, que estes utilizan como o farían en calquera outro medio dixital, incluídas as redes sociais. Outro instrumento para saír do camiño dos libros de texto é a utilización eficaz de recursos como o vídeo para tratar temas de moita actualidade, aproveitando o fío condutor das conmemoracións diarias e semanais.
Este verdadeiro espiñazo do proxecto da pé a que alternativamente a profesora Eva Agromayor Cid faga propostas motivadoras, cargadas de información atractiva para o seu alumnado, e que estes, pola súa parte, completen unha investigación que utiliza as entradas da profesora como modelo, pero aportando cada un a súa creatividade e amosando temas que verdadeiramente lles interesan.
Aproveitamos tamén esta ocasión para recordarvos que aínda queda por decidir o gañador do mellor blog de maio e o mellor caderno dixital do ano, polo que vos animamos a facer ese esforzo final que vos leve a convertervos na bitácora máis atractiva e de maior calidade. Como podedes ver no exemplo de “Pasamos de todo“, o esforzo paga a pena e os premios para todos podedes volvelos a consultar a continuación nas bases do concurso:
Como se pode comprobar neste blog gañador do premio do mes de abril, o título debería cambiarse ao pasado, porque quizáis “pasaran” de todo ao principio, pero agora non hai dúbida de que, a través dos seus “avatares”, os 7 alumnos e alumnas de reforzo de 1º de ESO do IES Cidade de Antioquía pasan polo calendario celebrando que cada día hai algo que aprender. Noraboa!
Mellor blog de xaneiro: A nosa Voz, do CEIP Curros Enríquez de Ourense.
Mellor blog de febreiro: Nauta, do CEIP Curros Enríquez da Coruña.
Mellor blog de marzo: Matemáticas diarias en Trazo 2º, do CPI de Viaño Pequeno de Trazo (A Coruña).